مطاردة الخراف الجامحة - هاروكي موراكامي (1982)

 

والله ما اعرف وش أقول هههههههههه

قرأت مراجعة لشخص مرة، يتكلم فيها عن هاروكي موراكامي ويقول فيها ان رواياته مثل الأحلام اللي تحلمهن وهو صادق.
أحلامنا مافيها اي تسلسل منطقي وماتدري هي وهمية ولاحقيقية ولما تحس ان حلمك خلاص على وشك النهاية تقوم من النوم وتحاول تركب قطع اللغز اللي تسميه حلم بس عشان تفهم معناه وهذه الرواية تجسد هذا الكلام حرفيًا.

شخصية بلا أسم تشتغل في شركة إعلانات تنزل صورة إعلان لشركة ما والصورة عبارة عن خرفان في مرعى من مراعي مدينة هوكايدو باليابان ومن هناك تبدأ مغامرة تلك الشخصية.
وش علاقة الخرفان بالشخصية؟ وليش أصلا خروف يكون سبب مشكلة كبيرة لدرجة انك تحتاج اكثر من ٣٠٠ صفحة عشان تحلها؟ الجواب هذا موراكامي وهذي خيالاته الغريبة لول.

الجدير بالذكر ان هذي أول رواية كاملة يكتبها موراكامي لذلك راح تجد أن أسلوبه الكتابي لازال لم يصل لقمته ولايقارن بأسلوبه في رواياته الشهيرة مثل كافكا على الشاطىء لذلك لو كنت أقدر كنت عطيت هالرواية 3.5 لكن لأن جودريدز مايعترفوا بشيء أسمه نصف (وهذا سؤال لازال العلماء يبحثوا عن إجابة له) أعطيتها 4.

ختامًا أترككم مع صورة للرجل الخروف -من الرواية ذاتها- كما تخيله موراكامي لأني أحسها تمثل غرابة الشيء اللي قرأته لول.